«Тәртіп» ҚТҚ шығаруды бақылау жүйесі
«Тәртіп» ҚТҚ шығаруды бақылау жүйесі қала және аудан әкімдіктерінің қызметкерлеріне қоқыс шығаратын ұйымдар жүзеге асыратын қатты тұрмыстық қалдықтарды (ҚТҚ) шығару процесін бақылау үшін арналған.
«Тәртіп» ҚТҚ шығаруды бақылау жүйесінің үлгілік конфигурациясына жұмыстарды жоспарлау модулі, ҚТҚ шығарумен тікелей айналысатын қызметкерлерге арналған мобильді қосымша, қоқыс тасығыштардың GPS-трекинг жүйесімен интеграция модулі, қоқыс шығару процесін бақылау модулі және өтініш беру сервисі кіреді
Бағдарлама қоқыс тасығыштың геопозициясын талдап, кестеден және маршруттан ауытқу бар-жоғын анықтайды, ал жұмысты орындаушылар қоқыс алаңын тазалауға дейін және кейін фотоесеп жасайды.
Өтініш беру сервисі арқылы азаматтар QR-кодты оқып, нақты қоқыс алаңына қатысты өтініш қалдыра алады, содан кейін өтініш мәселені ең жақын рейсте жою үшін орындаушыға бірден жіберіледі.
