Мемлекеттік қаражат ерекше назар аударуды, есепке алуды және бақылауды қажет етеді. Бюджет қаражатының игерілуін бақылаудың болмауы ел экономикасының дамуына, мемлекеттік органдардың жұмысына кері әсерін тигізеді, сондай-ақ сыбайлас жемқорлық пен қаржылық қылмыстарға әкеп соғады.

Бүгінгі таңда мемлекеттік құрылымдардағы қаржылық құқық бұзушылықтар мен қылмыстарға тиімді қарсы тұру үшін ақпараттық-коммуникациялық технологияларды қолдану арқылы мынадай мүмкіндіктер беретін бюджет қаражатының игерілуін қадағалау жүйелері пайдаланылады:

• Экономиканың әртүрлі бағыттарының: өнеркәсіп, ауыл шаруашылығы, көлік, құрылыс, әлеуметтік сала және т. б. бюджет қаражатын жоспарлау және нақты игеру туралы статистикалық деректерді жинау және талдау;
• Бөлінген және игерілген қаражатты әр түрлі кезеңділікпен (күн, апта, ай, тоқсан, жартыжылдық, жыл)қадағалау, бағалау;
• Деректерді бірыңғай базада енгізу және сақтау;
• Жүйеге 24/7 режимінде қол жеткізу;
• Қаржы туралы мәліметтерді кестелер, графиктер және диаграммалар түрінде жедел түсіру;
• Көптеген деректермен жұмыс істеу кезінде жылдамдық пен тиімділікті арттыру.